Fréttir

Ég held að ég hafi alveg gleymt að monta mig af fjármálum mínum sem urðu öllu skýrari í janúar. Mánaðarlangri baráttu (heljarins baráttu) við LíN – vafamálanefndarfundir (tveir), málskotsnefndarfundur, lögfræðingar og vesen – enduðu í því að ÉG FÆ LÁN HJÁ LÍN. Svo ég þurfti ekki að finna peningatré fyrir rúmri millu í skólagjöld + uppihaldi. Dásamlegt alveg hreint!

Annað skemmtilegt í fréttum er að við erum að fá gesti í sumar! Jölli félagi okkar droppar við 16. júní – alveg in time fyrir undirbúning þjóðhátíðarhaldanna hér í Koi. Hálfi Ítalinn hún Sara Tosti ætlar svo að mæta frá klakanum (með sma pit stoppi í Sri Lanka) þann 4. Júlí. Ekki nóg með það – heldur ætla Sigga Hrönn og Andri að mæta frá Danmörku 7. Júlí.

Gestaherbergið er mjög ánægt með að verða loksins nýtt almennilega og hlakkar mikið til. Snati og Teitur bíða einnig spenntir.

Ég verð ennþá í tímum í byrjun júlí þegar þremenningarnir mæta (Bretarnir eru ekkert í því að leyfa manni að fá sumarfrí) svo þau og Óskar verða röltandi um Kuala Lumpur og nágrennið í rúma viku.

Svo þegar ég er búin í skólanum – ætlum við að hoppa upp í flugvél til Víetnam. Þaðan förum við svo til Kambódíu – og endum í Tælandi og á einhverjum skemmtilegum eyjum þar. Já, alls ekki slæmt plan.

Fimm frækin á ferðalagi í Asíu. Me like.

Ferðin okkar verður rúmar tvær vikur – svo í byrjun ágúst verður dramatísk kveðjustund og hversdagslífið tekur við.

Annað einstaklega fréttnæmt er að við höfum tekið þá ákvörðun að kveðja Asíu í lok janúar 2009. Þá verð ég búin að sitja alla áfangana mína í Nottingham og mun bara eiga masters verkefnið sjálft eftir sem ég get skrifað hvar sem er...get verið hér, í Bretlandi eða þess vegna í Kína. Pæling?

Planið er sem sagt að flytja til Evrópu í janúar...erum meðal annars að skoða Barcelona, Prag, Bretland í heildina og fleiri lönd og borgir. Draumurinn er að Óskar geti þá fundið sér einstaklega skemmtilegt masters nám – rumpað því af á ári – og þá verð ég búin- og mun ýmist skella mér í einvern smá meiri lærdóm eða rosa sneddí vinnu....oooog svo snúum við aftur til Íslands – gamla góða Íslands.

Sounds like a plan?

Hugmyndir um góða skóla, skemmtó borgir og yndisleg lönd eru vel þegnar.

Annars er maí genginn í garð með tilheyrandi prófarispum og verkefnaskilum. Eins og venjulega er ég komin með flensuna (ónæmiskerfið mitt er svo ótrúlega non-próf-resistant) og eftir á í öllu. Basically sama gamla skólalífið....

Ofninn farinn að pípa – við hjúin tókum okkur til og bökuðum sjónvarpsköku í tilefni veikinda og prófa. Namminamm.

Over and out