Sögustund með Óskari frænda

Ég fór um daginn í mína venjulegu leigubílaferð í skólann. Það var að venju hann Shafie leigubílstjóri sem keyrði mig. Hann keyrir mig alltaf í og úr skólanum þegar hann er laus, hann er nefnilegast ódýrastur og svo það besta er að hann keyrir frekar rólega, ólíkt mörgu öðrum leigubílstjórum hérna. Að venju hafði Shafie mikið að segja um pólitík og fyrirtækið sem hann ætlar að stofna í framtíðinni. Hann segist nefnilega vera lærður arkitekt og honum langar mikið til að stofna sína eigin stofu.

Shafie sagði að hann gæti nú ekki farið í fyrirtækjabransann fyrr en hann væri búinn að eignast nægan pening til að fá sér nýja konu. Ég horfði á hann með spurningarmerki í augunum. Ég fékk þá skýringu að hann væri búinn að nýta núverandi konuna sína til fulls þar sem hún væri búin að ala honum 3 1/2 barn (hún er ólétt). Hann væri búinn að spotta nýju konuna sem er rétt skriðin yfir tvítugt og líka svona helvítti hugguleg. Ég spurði í sakleysi mínu hvað núverandi konunni hans fannst um þetta. Fékk ég þá skýringu á að Múslimar í Malasíu mega eiga 4 eiginkonur, svo lengi sem þeir geta supportað þær 100%. Það er, gefa þeim þak og mat. Ég spurði í enn meira sakleysi hvað konunni hans fannst persónulega um þetta. Hvað finnst henni um að Shafie sé með aðra í takinu og jafnvel í framtíðinni aðra fjöldskyldu. Hann sagði einfaldlega að hún hafði samþykkt þetta.

Eftir smá þögn kom uppúr honum rétta skýringin. Núverandi konan hans vildi þetta alls ekki svo hvað gerir Shafie, jú hann dróg hana fyrir rétt. Já hann kærði konuna sína fyrir að leyfa honum ekki að fá sér aðra konu. Þau fóru fyrir rétt þar sem að konan var spurð af hverju hún vildi ekki leyfa honum þetta. Hún svaraði að hún væri öfundsjúk og vildi eiga Shafie alveg útaf fyrir sig. Þetta hlustaði dómarinn ekki á og veitti Shafie rétt á að fá sér aðra konu.

Svo núna er Shafie að safna sér upp pening með því að keyra leigubíl til þess að geta keypt íbúð fyrir nýju konuna og framtíðarbörnin. Svona fyrir forvitni þá spurði ég hann um hvernig honum væri skipt niður á milli konanna. Það var mjög einfalt svar. Þú tekur heildarfjölda barna sem þú átt með sitt hvorri konunni og deilir því niður á daga vikunnar. Svo til að byrja með þá verður hann bara einn dag með nýju konunni og restina með þeirri gömlu. Svo breytist þetta með barnafjölda.

Eftir að ég ræddi þessa fræðandi leigubílaferð við hana Völu, þá ákváðum við að skíra hundinn sem við munum kaupa okkur í framtíðinni...Shafie

Goðsögnin: Shafie leigubílstjóri