Óskars theorem

Guten tag

Upp á síðkastið hef ég mikið verið að velta fyrir mér áhrifum óþekkts umhverfis á líkama og sál. Þetta topic kom upp þegar ég byrjaði að finna fyrir hægari hugsunargangi en því sem ég er vanur. Ég hugsaði með mér að þetta gæti stafað af því að ég er að eldast og er kominn með nokkur grá hár (án gríns), en vildi ekki sætta mig við þá niðurstöðu svo ég ákvað að leggja höfuðið aðeins í bleyti og finna skýringu sem ég gæti verið sáttur við.

Niðurstöður margra rannsókna hafa sýnt að asískt fólk á mjög erfitt með að þekkja hvíta manninn í sundur, og öfugt. Þar sem hvíti maðurinn virðist vera vinsæll sem vinur hérna þá er ég endalaust að heilsa fólki sem kemur og kynnir sig fyrir mér. Heilinn fer á overload við það að reyna að muna öll nöfn og festa þau síðan við andlitin sem eru frekar svipuð. Svo er það einnig tungumálið, maður skilur ekki stakt orð af því sem fólk er að segja, svo eru þetta oft 3 - 4 tungumál sem eru í gangi í einu og maður reynir að skilja eitthvað, en allt fyrir ekkert og maður gefst upp.

Allt þetta leiðir til kenningarinnar minnar um að of mikið áreiti á heilann, hægt og rólega hægi á honum, svipað og ef þú opnar of mörg word skjöl í tölvunni þinni. Samkvæmt útreikningum mínum þá er samt möguleiki á að afturkalla þetta ferli með því að fara með heilann í sitt upphaflega og venjulega umhverfi (ctrl+alt+del).

Ég hefði t.d. aldrei skrifað svona bloggfærslu áður en ég kom hingað út og þykir mér það sanna að dómgreind sé að fara hratt niður og jafnvel rökhugsun.

Til hamingju Vala með að vera búin að skila og til hamingju ég með að vera 25 ára og 3 mánaða

Kær Kveðja
Oskar Bule