101 Kuala Lumpur

Hafið þið einhverntíman staðið hálf í rigningu og hálf í sól? Það gerðum við síðasta daginn okkar í Puchong. Magnað alveg hreint.

We moved!...og búum í æðislega sætri og lítilli íbúð í miðbæ Kuala Lumpur! Lofthæðin er samt rosaleg svo hún virkar mun stærri (og manni líður ekki eins og maður búi í eldspítustokki). Blokkin okkar er "city central" punkturinn á túrista-kortunum!

Búum á 9. hæð og þar er æðisleg líkamsrækt. Sundlaugin er svo á 8. hæð. Öryggið í blokkinni er svo mikið að við þurfum að vera með lykilkort til að komast á okkar hæð - svo við komumst aðeins á 9. hæð. Það er mjög góð tilfinning...alls er blokkin um 35 hæðir.

Óskar er búinn að prufukeyra ræktina og tókum við litla dýfu í sundlauginni. Þegar maður liggur á bekknum í lauginni horfir maður beint á 421 metra háan KL tower. Þetta verður ekki betra.

Núna sitjum við á sunnudagsmorgni á Starbucks að fá okkur kaffibolla og læra. Það er nefninlega bara hinum megin við götuna;) Jiiii við erum svo glöð. Enginn strætó eða leigubíll - bara lappirnar tvær sem koma okkur hvert sem við viljum fara og svo metro þess á milli.

Það er líka svo gaman að geta farið í göngutúr á kvöldin...erum búin að rölta út um allt og alltaf er eitthvað skemmtilegt sem kemur okkur á óvart. "Little India" hverfið er bak við blokkina okkar þar sem er næturmarkaður á kvöldin og fullt af litlum og skemmtilegum búðum. "China town" er svo í 5 - 10 min göngufæri, KL Tower um 800 metrum frá okkur og Petronas (tvíbura) í um 2km fjarlægð. Draumur í dós!

Svo erum við að reyna að finna stað sem sýnir handboltaleikinn á eftir - við klakamenn mögulega að verða Ólympíumeistarar? Það þarf ekki að ræða þetta frekar. Okkur tókst að horfa á Ísland-Spán á einhverjum ítölskum veitingastað sem er lokaður á sunnudögum. Sjáum hvernig leitin gengur á eftir!!


ÁFRAM ÍSLAND