Vala lillemann

Jæja. Kominn tími á smávægilegt update

Átti alveg magnaðann dag á fimmtudaginn! Múhammed kallinn átti afmæli, svo augljóslega var sá dagur heilagur hér í Malasíu og allir í fríi. Ég er búin að vera í skólanum alla vikuna og á morgun eigum við að halda huges scary fyrilestur í hópum. Við ákváðum að hittast á hinum heilaga degi múslima síðasta fimmtudag á skrifstofunni hjá bekkjarfélaga mínum í Kuala Lumpur til að ræða verkefnið okkar....

Ég mætti til KL og skráði mig inn á voðalega formlegan hátt í þetta risa fyrirtæki - PFC Energy (m.a. oil and gas business....). Kem svo upp á skrifstofu til bekkjarfélagans sem er rooooooslega falleg og fín - og uppi á 27. hæð með útsýni beint yfir tvíburaturnana og sky-linið. Þetta var bara alveg magnað útsýni...held að ég hafi bara ekki verið svona hátt uppi á skrifstofu áður yfir höfuð - svo litlu Völu fannst þetta magnað. Kemur svo í ljós að hann er director fyrirtækisins í Malasíu (eru með head quarters í Washington og eru út um allan heim) svo þetta lið sem er í bekknum mínum er allt í einhverjum fancy pancy störfum. Monssonið kikkaði inn með tilheyrandi þrumum og dansandi eldingum sem var alveg magnað að sjá í þessari hæð...

Í lok vinnudagsins vorum við þrjár stúlkur rooosalega svangarin (ég, Anna Lisa (indian-malay) og Zoe (chinese-malay)). Röltum út og við blasti T.G.I. Fridays, Dominos, Pizza Hut og fleira "öruggt" og kunnuglegt. Þá var tekin skörp vinstri beygja á "mama's" staðina (það er það sem þeir kalla útiveitingastaðin sína) og spísað á einum kínverskum /malasískum. Smakkaði "nasi lemak" sem ég er búin að velta því fyrir mér lengi hvað þýði...það er lítill skammtur af kókos-hrísgrjónum með smá curry sósu, vafin inn í bananalauf og svo dagblað. Svo voru svona 6 soðin egg á hverju borði sem maður á víst að snæða með nasi lemak máltíðinni sinni...þetta er víst morgunmatur en við gæddum okkur á einu slíku svo útlendingurinn gæti nú smakkað! Þegar við vorum farnar að hugsa okkur til hreyfings var svo risavaxin rotta að gæða sér á eggjaskurn í 2 metra fjarlæg....við vorum ekki lengi að hefja röltið.

fleiri matartengdar smásögur...

Ég og Sandra fórum á miðvikudaginn í æææævintýralega ferð til KL...hún fékk mjög random símtal á þriðjudaginn þar sem henni var boðið að leika í einhverjum semi þætti sem væri birtur á netinu fyrir ágætis pening - og hún átti endilega að taka alla "hvítu" vini sína með sér. Okkur fannst þetta aðeins of fyndið til að tékka ekki á - og mættum á skrifstofu þeirra á miðvikudaginn (vorum sem sagt búin að komast að því hver lak nr hennar Söndru o.s.frv. svo þetta var safe...). Þetta var jú - með vandræðilegri mómentum sem ég hef upplifað...það var mæling - vigtun - myndataka (show some personality - be a rocker chick og nefndu það!! ) og svo var pleisið yfirgefið með tilheyrandi gífurlegum kjánahrolli. Við fengum símtal daginn eftir og höfðum verið "casted for audition" í þennan blessaða internet-þátt....15-25 þús kall fyrir daginn (sem eru) huges peningar hér) en við ætlum ekki að vandræðast í þetta, hehe..skúl og svona þessa dagana! fínt að fá pening einhverntíman fyrir að standa eins og illa gerður hlutur í aukahlutverki í auglýsingu eða eitthvað (hint hint Gústa. Þetta var allavegana hræðilega fyndin og skemmtileg lífsreynsla...eftir þetta fórum við svo á indverskan stað nálægt Chulan tower (þar sem ég er í skóla) sem ég var búin að spotta - og þar fengum við loksins ææææðislegan indverskan mat! Rosa góðan kjúlla-nan-rice og tilheyrandi. Brostum allan hringinn indversku kokkunum til mikillar gleði og munum fara þangað aftur í bráð!

OG í gær...fékk ég "ekta" indverskan mat! fór með Önnu Lísu (sem er með mér í bekk og er indian-malay, nafnið borið fram alveg eins og á íslensku) í hverfið hérna við hliðina á heimili okkar og borðaði frumlegt brauð með frumlegum sósum og kókosmjólk ofan á bananalaufi - með puttunum eins og maður á að gera. Það gekk svona líka ágætlega. Eftir nokkrar vikur og nokkrar smakkanir - á ég víst að finna bragðmun á dótaríi á bananlaufi - og dótaríi á disk, spes...

Síðast en ekki síst í updati vikunnar - fjölskyldan hefur stækkað við sig! ......
við höfum eignast fisk:) þetta er bardagafiskur sem er rosalega fallegur á litinn og einstaklega gáfaður. Hann hefur fengið nafnið Snati - bæði af því að það er svakalega skemmtilegt og vegna þess að hann dillir sér eins og hundur þegar hann sér gula lokið á matardollunni sinni, veit alveg hvað er að koma. Við bjóðum hann formlega velkominn ásamt Teit og Eddie (jú pínkulitlu eðlunni sem býr hálf inni á gestaklósti og hálf inni í útiherbergi og sér um að borða mosquito-flugurnar okkar).

Staða mosquito bita fyrir neðan hné: 7 (Eddie er vel þjálfaður, bitin koma utan öruggra veggja heimilis okkar!

Wish me luck með fyrsta fyrirlesturinn minn í skólanum sem ég er að fá vægt taugaáfall fyrir....