Krónískur hrollur!

Á meðan ég massaði lærdóminn í morgun fór Óskar minn í að gera íbúðina fína og sæta þar sem Sara okkar er væntanleg í hádeginu á morgun. Hann skúraði pleisið og gerði fínt – og toppaði þetta svo allt saman með því að baka brownies. Krökkunum var boðið í kaffi og sátum við sexmenningarnir ánægð með lífið og tilveruna síðdegis.....

...þangað til að Óskar skaust niður í sjoppu til að kaupa mjólk í kaffið...hann skundaði upp og skellti mjólkinni á borðið og Kristín opnaði hana.

Innskot: hér í Malasíu eru mjólkurfernurnar eins og djúsfernur eru oft heima (held ég) – svona ferköntuð ferna, með svona silfur-dóts-innsigli sem maður rífur af– og svo hvítu loki ofan á sem er hægt að opna og loka svo mjólkin haldist betur.

Innskot 2: Mjólkin rennur út í janúar 2009...já nei – haldiði að þeir noti einhver rotvarnarefni hér?

Sem sagt – fór Kristín í opnunarmálin og öskraði úr sér lungun....hún öskraði svo hátt og líflega að ég hélt að hún væri að grínast. Það sem blasti við var kakkalakkamamma – og kakkalakkabörn og kakkalakkaegg – sem einhvernvegin hafa komist þarna milli silfur-innsiglis og plast-loksins (lifandi...)!

Þetta var jú...með því mest truflandi svona matarlega séð sem ég hef orðið vitni að í langan tíma. Óskar fór með fernuna aftur niður og sýndi gæjanum í sjoppunni...Óskar hélt á myndavél og ætlaði að documenta þetta moment þegar Indverjinn dreif sig í því að þrífa kakkalakkana af með puttunum á sér og henda fjölskyldunni á gólfið. „Would you like another milk“....no thank you...og ekki fengum við endurgreitt (eða vorum að biðja um það...).

Spurning að kæra dutch milk og fá endalaust af rotvarnarmjólk? Niiii, held við séum góð!

Svo borðuðum ég, Kristín og Cyppie kvöldmat saman niðri með villikettinum sem er hérna og rottu sem skundaði framhjá.

Stundum....getur Asía verið skítug. Hvernig ætli Víetnam og Kambódía komi út í samanburði?

hmmmm